Циципас Австралия Очиқ чемпионатининг иккинчи 1/2 финалчисига айланди

Жаҳоннинг тўртинчи ракеткаси грециялик Стефанос Циципас турнирнинг чорак финалида АТР рейтингида 71-ўринни эгаллаб турган чехиялик Жири Лехечни 6/3, 7/6(2), 6/4 ҳисобида мағлуб этиб, ярим финал йўлланмасини қўлга киритди.

Учрашув 2 соату 19 дақиқа давом этди. Грециялик теннисчи ўзаро ўйинлардаги ҳисобни оширишга муваффақ бўлди - 2:0.

Шу тариқа, Циципас янги мавсумдаги тўққизта ўйиндаги тўққизинчи ғалабасини қўлга киритди ва кетма-кет учинчи марта Australian Open'нинг 1/2 финалига йўл олди. Ярим финалда у россиялик Карен Хачановга қарши кортга чиқади.