Циципас жаҳоннинг 4-ракеткасига айланган АТР рейтингида Истомин пастлади

Ўтган ҳафта билан таққослаганда, рейтингнинг Топ-10'лигида кичик ўзгариш рўй берди. Римдаги "Мастерс" якунларига кўра, турнир финалчиси грециялик Стефанос Циципас испаниялик Рафаэль Надални қувиб ўтиб, тўртинчи ракеткага айланди. 

Шунингдек, ушбу турнирда ярим финалга қадар етиб келган норвегиялик Каспер Рууд 10-поғонадан 8-ўринга кўтарилди. Рейтингни ҳамон сербиялик Новак Жокович бошқариб бормоқда. У Римдаги ғалабасидан сўнг ўз ўрнини яна ҳам яхшилаб олди. 

Мамлакатимизнинг биринчи ракеткаси Денис Истомин ўтган ҳафтадаги ўрнидан 4 поғона пастлаб, 307-ўринга жойлашди. Рейтингда Ҳумоюн Султонов 2 ўрин пастлаган бўлса, Санжар Файзиев 1 поғона юқорилади. Теннисчиларимиздан энг кучли юқорилаш Сергей Фоминда кузатилди. У ўтган ҳафтадаги ўрнидан 50 ўрин юқорилашга эришди. 

ATP рейтинги. Топ-10

1. (1) Новак Жокович (Сербия) - 8660 очко

2. (2) Даниил Медведев (Россия) - 7980

3. (3) Александр Зверев (Германия) - 7200

4. (5) Стефанос Циципас (Греция) - 6170

5. (4) Рафаэль Надаль (Испания) - 5525

6. (6) Карлос Алькараз (Испания) - 4770

7. (7) Андрей Рублёв (Россия) - 3945

8. (10) Каспер Рууд (Норвегия) - 3940

9. (9) Феликс Оже (Канада) - 3850

10. (8) Маттео Берреттини (Италия) - 3805

Ўзбекистонлик теннисчиларнинг АТР рейтингидаги ўрни:

307 (303). Денис Истомин - 161

427 (425). Ҳумоюн Султонов - 91

669 (670). Санжар Файзиев - 33

788 (838). Сергей Фомин - 18

1161 (1162). Саидаъло Саидкаримов - 6

1207 (1211) Жўрабек Каримов - 5

1643 (1636) Олимжон Набиев - 2

1812 (1808) Шониғматжон Шофайзиев - 1