13 авг 09:07
Янгиликлар

Теннис

Cincinnati Open. Наоми Осака квалификация финалига чиқа олмади

АҚШнинг Цинциннати шаҳрида теннис бўйича нуфузли WTA турнирининг саралаш баҳслари якунланди.

WTA рейтингида 95-поғонада бораётган Наоми Осака квалификация баҳсларининг финал учрашувида дунёнинг 82-ракеткаси бўлиб турган америкалик Эшлин Крюгерга имкониятни бой бериб қўйди - 3/6, 6/2, 3/6.

Бу теннисчиларнинг ўзаро илк учрашуви эди. Тўқсон саккиз дақиқа давом этган баҳсда Осака 7, Крюгер 3 та эйс зарбасини амалга оширган. Қўшхатолар бўйича устунлик Эшлин томонда бўлди - 6 га 4. Брейкларда ҳам устунлик 4 га 3 кўринишда Крюгер фойдасига ҳал бўлди.