15 авг 12:31
Янгиликлар

Бокс/ММА

Цзю навбатдаги ғалабасини қўлга киритди

Австралиянинг Сидней шаҳрида профессионал бокс кечаси бўлиб ўтди.

Оқшомнинг қизиқарли жангларидан бирида афсонавий Константин Цзюнинг ўғли Тим Цзю рингга кўтарилди. Кичик Цзю 10 раундга мўлжалланган жангда IBF рейтингида тўққизинчи ўринни эгаллаб турган Дуайт Ричига қарши рингга чиқди.

Ричи шу жангга қадар биринчи ўрта вазнда минтақавий IBF чемпионлик камари соҳиби бўлиб турганди. Жанг тўлиқ 10 раунд давом этди ва ғолиб номи ҳакамлар қарорига кўра аниқланди. Ҳакамлар бир овоздан - 98-92, 98-93, 97-93 ҳисобида кичик Цзюнинг ғалабасини таъминлашди.