14 янв 12:12
Янгиликлар

Бокс/ММА

Даниэль Кормье Жон Жонс нима сабабдан оғир вазнда чемпион бўла олмаслигини айтди

UFCда икки вазн тоифасининг собиқ чемпиони Даниэль Кормьенинг фикрича, Жон Жонс оғир вазн тоифасида лига чемпиони бўла олмайди.

"Ишонаманки, Жон Жонс оғир вазнда жанг қилади ва у камар учун курашади, аммо у Сирил Ган ёки Френсис Нганнуга ютқазади. Менимча, вақт ўтиши, вазндаги фарқ ва бу йигитларнинг ўзлари ким эканликлари - муаммо шу. Жонснинг аҳволи ёмонлашгани йўқ, шунчаки бу йигитлар оғир вазннинг яна бир даражаси", - дея Кормьенинг сўзларини келтиради Sportskeeda.

Эслатиб ўтамиз, Жонс оғир вазн тоифасига ўтишини эълон қилган, аммо шундан бери у бирорта ҳам жанг ўтказмаган. Жонс деярли икки йилдан буён жанг қилмаяпти. Америкалик спортчи оғир вазнда UFC чемпиони Френсис Нганну билан жанг ўтказиши тахмин қилинганди.