25 май 18:59
Янгиликлар

Бокс/ММА

Даниэль Кормье Жон Жонснинг жанги кечиктирилишини тасдиқлади

Оғир вазн тоифасида амалдаги UFC чемпиони Жон Жонс ҳамда даъвогар Стипе Миочич ўртасидаги жангни ўтказиш бўйича муаммолар юзага келмоқда.

Шу йилнинг ноябрь ойига режалаштирилаётган жанг белгиланган муддатда ўтказилмаслиги мумкин. Бу ҳақда икки вазнда собиқ UFC чемпиони Даниэль Кормье ҳам тасдиқлади. UFC шарҳловчиси ва таҳлилчиси сифатида фаолиятини давом эттираётган Кормьенинг сўзларига қараганда, Нью-Йоркдаги рақамланган турнирнинг марказий жангида Конор Макгрегор ва Майкл Чендлер ўзаро тўқнаш келишлари мумкин.

"Мен Конор Макгрегор ва Майкл Чендлернинг Нью-Йоркда жанг қилишини эшитдим. Агар бу амалга ошса, Жонс - Миочич жанги ноябрда эмас, келаси йилнинг бошида ўтказилиши мумкин. Лекин Конор олти ой ичида допинг текшириувларидан ўтишга улгуриши лозим. UFC босслари пул келтирадиган иккита катта жангни бир оқшомда ўтказмасалар керак", - деди Кормье.