Даниил Медведев Қозоғистонда чемпион бўлди + ФОТО

Мусобақа бош соврини Даниил Медведевга насиб этди. Финалгача дунёнинг 14-ракеткаси бўлиб келган россиялик теннисчи ATP рейтингида 41-поғонада борган франциялик Корентен Мутени 7/5, 4/6, 6/3 ҳисобида мағлубиятга учратди. Теннисчиларнинг ўзаро учрашувларида Даниил олдинга чиқиб олди - 2:1. Икки соату 38 дақиқа давом этган баҳсда Медведев 8, Муте 1 та эйс зарбасини амалга оширди. 

Даниил фаолиятидаги 21-совринни қўлга киритди. У сўнгги бор 2023 йилнинг май ойида Рим "Мастерс" турнирида чемпион бўлган эди. Медведев ўшандан кейин ўтказилган 6 та финалда ютқазганди. Қозоғистондаги муваффақиятли иштирок унга 250 рейтинг очкоси ҳамда 160 550 $ мукофот пули келтирди. Муте эса бир ҳафталик меҳнатидан 165 очко ва 93 635 доллар пул ишлаб олди.