Даниил Медведев Топ-10 теннисчиларига қарши кетма-кет еттинчи ўйинда мағлуб бўлди

Турнирнинг гуруҳ босқичида Стефанос Циципасга (3/6, 7/6(11), 6/7(1)) имкониятни бой берган жаҳоннинг 5-ракеткаси Даниил Медведев Топ-10 теннисчиларига қарши кетма-кет еттинчи учрашувида мағлуб бўлди. Серия Australian Open-2022 финалида бошланганди, унда россиялик теннисчи Рафаэль Надалга қарши ўйинда 2 сетда ютқазганди.

“Бу менинг ўйиним етарли даражада эмаслиги ва ўйинимни кучайтиришим кераклигини англатади.

Психологик жиҳатдан Топ-10 теннисчилари билан ўйнайманми ёки йўқ, менга буни фарқи йўқ. Аммо теннисда Топ-10 ликдаги рақибларга қарши ўйнаш ҳар доим қийин. Мен уларга қарши ўйинда яхшироқ ҳаракат қилишим керак. Кейинги сафар шундай қиламан, чунки бошқа йўлим йўқ.

Мен асабий эмас эдим. Бугун шунчаки ўйнашим ва яхшироқ ҳаракат қилишим керак эди. Яна нима дейишни билмайман. Мен ғалаба қозонишим керак эди, лекин буни  уддасидан чиқолмадим. Кейинги сафар яхшироқ ўйнашим шарт ", - дея Медведевдан иқтибос келтиради Tennis Majors.