Дарья Касаткина 1/4 финалда ўйнайди

Сайёрамизнинг 11-рақамли теннис маликаси Дарья Касаткина мусобақанинг 1/4 финалига йўл олди. Россиялик теннисчи 2 соату 1 дақиқа давом этган 1/8 финалда WTA рейтингида 18-ўриндан жой олган чехиялик Каролина Плишковани 3/6, 6/3, 6/3 ҳисобларида мағлубиятга учратди. 

Дарья теннисчиларнинг ўзаро учрашувларидаги ҳисоб мувозанатини тиклашга муваффақ бўлди - 2:2. Касаткина 3 та эйс, 5 та брейк қайд этиб, 1 та қўшхатога йўл қўйди. Унинг Rothesay International 1/4 финалидаги рақибаси франциялик Каролин Гарсия бўлади.