20 апр 09:49
Янгиликлар

Теннис

Қозоғистонлик теннисчи фаолиятидаги 13-соврин, Porsche Carrera 911 S ҳамда 160 000 еврога эга чиқди

Германиянинг Штутгарт шаҳрида якунига етган теннис бўйича WTA 500 тоифасига кирувчи турнир Елена Рибакинанинг триумфи билан якунига етди.

Дунёнинг иккинчи ракеткаси бўлиб турган қозоғистонлик теннис маликаси ҳал қилувчи финал учрашувида WTA рейтингида 12-ўринни эгаллаб турган чехиялик Каролина Муховани икки сет натижасига кўра мағлубиятга учратди – 7:5, 6:1.

Бу Рибакина учун фаолиятидаги ўн учинчи WTA соврини бўлди. Елена шу йил бошида "Катта Дубулға" туркумига кирувчи Australian Open турнирида ҳам чемпион бўлган эди. Штутгартдаги муваффақиятли иштирок Рибакинага 500 рейтинг очкоси, 160 минг евро мукофот пули ҳамда энг сўнгги русумдаги Porsche Carrera 911 S автомобилини келтирди.

Маълумот учун, Елена Рибакина 2024 йилда ҳам Штутгарт турнирида бош соврин соҳибасига айланганди.