Дарья Касаткина Берлин сари юришини бошлади

Дунёнинг 14-ракеткаси Дарья Касаткина мусобақадаги иштирокини ғалаба билан бошлаб олди. Россиялик теннис маликаси Ladies Open илк даврасида рейтингда ўзидан икки поғона қуйида бораётган украиналик Марта Костюк устидан иродали ғалабага эришди - 4/6, 7/6(6), 6/3. 

Теннисчиларнинг ўзаро учрашувларида Даша олдинда бормоқда - 4:2. Икки соату 40 дақиқа давом этган баҳсда Касаткина 4, Костюк 1 та эйс зарбасини амалга оширган. Иккала теннисчи ҳам керагидан ортиқча қўшхатоларга йўл қўйди - 10 га 8, Марта фойдасига. Иккала теннисчи ҳам 5 тадан брейкка эришди. Энди Касаткина иккинчи босқичда беларуслик Арина Соболенкога қарши кортга чиқади.