Дарья Касаткина Korea Open чорак финалида

Hana Bank Korea Open мусобақасининг 1/8 финалида дунёнинг 13-ракеткаси Дарья Касаткина ҳам муваффақиятли старт олди. Россиялик теннисчи WTA рейтингида 105-поғонадан жой олган америкалик Хейли Баптистни 6/4, 6/2 ҳисобида мағлубиятга учратди. 

Бу теннисчиларнинг ўзаро ўтказган илк учрашуви бўлди. Етмиш саккиз дақиқа давом этган баҳсда Касаткина 1 та эйс, 6 та брейкни амалга ошириб, 5 та қўшхатога йўл қўйди. Энди у 1/4 финалда британиялик Эмма Радукануга қарши кортга чиқади.