Davis Cup. Федерер Ўзбекистонга келади...ми?

Ўзбекистон терма жамоаси саралашда Хитой теннисчиларини 3:2 ҳисобида мағлубиятга учратиб, плей-оффда иштирок этиш ҳуқуқини қўлга киритди.

Швейцарияликлар эса жаҳон лигаси биринчи босқичида Италияга қарши ўйин ўтказиб, 0:5 ҳисобида мағлубиятни қабул қилиб олдилар.

Ушбу баҳсда Марко Кьюдинелли (129), Генри Лаксонсен(165), Адриен Боссел (493), Антони Бельер (538) каби теннисчилар Швейцария шарафини ҳимоя қилганлар.

Ҳўш, чорак финал учун баҳсда Италиядан шармандали мағлубиятни қабул қилиб олган бўлажак рақибларимиз бу сафар ҳам шу таркиб ўйнайдиларми? Тошкентга ҳам Италия билан баҳсдаги таркиб теннисчилари ташриф буюрадими?

Ёки 2014 йилги Дэвис Кубоги чемпионлари таваккал қилмасдан ўзларининг асосий "қуроллари" - Рожер Федерер ва Стэн Вавринка билан пойтахтимизга келишадими? Буни яқин кунларда билиб оламиз!