Delray Beach ATP 250. Истомин рейтингда ўзидан 150 поғона юқоридаги теннисчини мағлуб этди

Аввал хабар берганимиздек, ушбу нуфузли мусобақада мамлакатимизнинг биринчи ракеткаси Денис Истомин ҳам иштирок этяпти. Ҳамюртимиз турнирдаги иштирокини саралаш баҳсларидан бошлади. У аввалига ярим финалида рейтингда ўзидан 114 поғона юқорида бораётган авcтриялик Юрий Родионовни 6:4, 6:2 ҳисобида мағлуб этди.

Кейин эса саралашнинг финал учрашувида эквадорлик Эмилио Гомесдан 7/6(7), 6/2 ҳисобида устун келиб, асосий тўрга йўл олди. Гомес ATP рейтингида 149, Истомин эса 267-ўринни эгаллаб турибди. Кеча тунда Денис асосий тўрнинг илк даврасида дунёнинг 117-ракеткаси, америкалик Сэм Куэррига қарши кортга чиқди. 

Бир соату 12 дақиқа давом этган учрашувда Истомин номдор рақибини 6/1, 7/6(5) ҳисобида мағлубиятга учратди. Теннисчиларнинг ўзаро учрашувларида Денис ҳисобда олдинга чиқиб олди - 3:2! 

Энди юртдошимиз иккинчи даврада яна бир АҚШ теннисчиси, дунёнинг 41-ракеткаси Томми Полга қарши кортга чиқади. Ҳозирча теннисчиларнинг ўзаро учрашувларида ҳисоб тенг бўлиб турибди - 1:1. Истомин - Пол баҳси Тошкент вақти билан бугун тунда соат 00:30да бошланади.