14 апр 08:58
Янгиликлар

Теннис

Денис Истомин Монастир турнири чемпиони!

Туниснинг Монастир шаҳрида ўтказилган теннис бўйича M15 тоифасига кирувчи турнир ўз якунига етди.

Мукофот жамғармаси 15 000 АҚШ долларини ташкил этувчи ушбу мусобақанинг жуфтлик баҳсларида ҳамюртимиз Денис Истомин ҳам муваффақиятли иштирок этди. Тажрибали теннисчимиз россиялик Евгений Карловский билан тандем ҳосил қилганди. Улар финалда курашсиз бош совринни қўлга киритишди.

Истомин/Карловский жуфтлиги финалда Жеймс Дэвис ҳамда Хуссей Жайлс тандеми билан тўқнаш келишлари керак эди. Лекин британиялик теннисчилар бош соврин учун кортга чиқишмади. Натижада мусобақа бош соврини курашсиз Истомин ва Карловскийга топширилди.