13 апр 12:37
Янгиликлар

Теннис

Денис Истомин Монастир турнирида финалга чиқди

Туниснинг Монастир шаҳрида теннис бўйича M15 тоифасига кирувчи турнир бўлиб ўтмоқда.

Мукофот жамғармаси 15 000 АҚШ долларини ташкил этувчи ушбу мусобақанинг жуфтлик баҳсларида ҳамюртимиз Денис Истомин ҳам ўз маҳоратини кўрсатяпти. Тажрибали теннисчимиз россиялик Евгений Карловский билан тандем ҳосил қилган. Улар бугун финал чиптаси учун кортга чиқишади.

Истомин/Карловский жуфтлиги муросасиз кечган 1/2 финал учрашувида словакиялик Лукаш Покорни ҳамда германиялик Макс Вискандт ҳамкорлигини 2/6, 7/6(2), тай-брекда 10:5 ҳисобида таслим этди. Бугун Денис ва Евгений бизнинг вақт билан соат 17:30да бошланадиган финал баҳсида британиялик теннисчилар Жеймс Дэвис ҳамда Хуссей Жайлсга қарши кортга чиқади.