23 мар 18:45
Янгиликлар

Бокс/ММА

Деонтей Уайлдернинг навбатдаги жанг санаси, манзили ва рақиби маълум

Супероғир вазн тоифасида собиқ WBC чемпиони Деонтей Уайлдер Саудия Арабистони пойтахти Ар-Риёд шаҳрида рингга кўтарилади.

Америкалик боксчининг рақиби вақтинчалик WBO камари собиқ соҳиби, хитойлик Чжан Чжилей бўлади. Ушбу жанг 1 июнь кунига белгиланди. Ёз фаслининг илк кунидаги бокс оқшомининг марказий жанги эса яримоғир вазнда мутлақ жаҳон чемпионлиги учун россиялик икки Артур Бетербиев ва Дмитрий Бивол ўртасида ўтказилади.

Эътиборга молик жиҳати шундаки, Уайлдер ҳам, Чжилей ҳам сўнгги жангида Янги Зеландия вакили Жозеф Паркерга имкониятни бой берган. Деонтей ўтган йилнинг декабрь ойида, Чжан эса икки ҳафта аввал айнан Паркерга ютқазиб қўйганди.