04 сен 12:32
Янгиликлар
Теннис
Дербида енгил ғалабага эришган Синнер US Open 1/2 финалида
Нью-Йорк шаҳрида давом этаётган теннис бўйича "Катта Дубулға" туркумига кирувчи АҚШ Очиқ чемпионатининг эркаклар ўртасидаги баҳсларида 1/2 финалчилар аниқланди.
Дунёнинг биринчи ракеткаси Янник Синнер 1/4 финалда ATP рейтингида 10-ўринни эгаллаб турган ватандоши Лоренцо Музеттига қарши кортга чиқди. Роппа-роса икки соат давом этган учрашувда Синнер ҳамюртини ортиқча қийинчиликсиз мағлубиятга учратди — 6:1, 6:4, 6:2.
Синнер 9, Музетти 2 та эйс зарбасини амалга оширган. Энди Янник US Open 1/2 финалида рейтингнинг 27-поғонасида бораётган канадалик Феликс Оже-Альяссимга қарши баҳс олиб боради. Феликс Тошкент "Челленжер" турнирининг сўнгги ғолиби ҳисобланади.
Ҳавола :
Манба : championat.com
Фикрлар