Дэвид Бекхэм Голливуддаги "Шон-шараф аллеяси"да юлдуз олган илк футболчига айланди + ФОТО

Тадбирга Бекхэм билан биргаликда унинг рафиқаси Виктория ва фарзандлари ҳам ташриф буюришди.

"Буларнинг барчаси худди тушга ўхшайди. Фаолиятим давомида кўплаб ажойиб лаҳзалар бўлган, аммо айнан шу ерда — Лос-Анжелесда туриш ва бутун дунёга машҳур 'Шон-шараф аллеяси'дан юлдуз қабул қилиб олиш ҳақиқатан ҳам ақл бовар қилмас воқеадир.

Мен доимо орзулар оғушида яшаганман, бироқ мендек ишчилар синфидан чиққан футболчига шундай юксак шараф насиб этишини ҳеч қачон тасаввур қилолмагандим...

Менга Америка спортининг нақадар амбицияли эканлиги ва унинг кенг миқёси жуда ёқади", — дея Бекхэмнинг сўзларини келтиради журналист Бен Жейкобс ўзининг Х ижтимоий тармоғидаги саҳифасида.