Димитров Стокгольм турнири бош соврини учун кортга чиқади

ATP 250 тоифасига кирувчи мусобақанинг илк 1/2 финал учрашувида дунёнинг 10-ракеткаси бўлиб турган болгариялик Григор Димитров ATP рейтингида 37-поғонада бораётган нидерландиялик Таллон Грикспорни 2:6, 7:5, 6:4 ҳисобида таслим этди.

Икки соату 25 дақиқа давом этган баҳсда Димитров 8, Грикспор 11 та эйс зарбасини амалга оширган. Иккала теннисчи ҳам 5 тадан қўшхатога йўл қўйган. Бугун Григор Стокгольм турнири бош соврини учун дунёнинг 13-ракеткаси америкалик Томми Полга қарши кортга чиқади.