29 июн 12:21
Янгиликлар

Теннис

Таллон Грикспор Мальоркани забт этди

Испаниянинг Мальорка оролида теннис бўйича ATP 250 тоифасига кирувчи турнир якунланди.

Мусобақа бош соврини нидерландиялик Таллон Грикспорга насиб этди. Дунёнинг 34-ракеткаси бўлиб турган Таллон ҳал қилувчи финал баҳсида ATP рейтингида 83-поғонадан жой олган франциялик Корентен Мутени 7/5, 7/6(3) ҳисобида мағлубиятга учратди.

Теннисчиларнинг ўзаро учрашувларидаги ҳисоб йириклашди - 3:0. Бир соату 57 дақиқа давом этган баҳсда Грикспор 4, Муте 6 та эйс зарбасини амалга оширган. Иккала теннисчи ҳам биттадан қўшхатога йўл қўйган. Бу икки йиллик танаффусдан сўнг чемпион бўлган Грикспорнинг фаолиятидаги учинчи ATP соврини бўлди.