Доғистон раҳбари Артур Бетербиевга уй совға қилди

Бетербиевга доғистонлик мухлислар ва ҳомийлар сўраган квартира сертификати топширилди.

"Мен ҳам барча бокс мухлислари каби жангни бошидан охиригача томоша қилдим. Рақиб муносиб эди. Доғистон, Чеченистон ва умуман бутун Кавказ сиз учун мухлислик қилади ва сизни қўллаб-қувватлайди. Сизни барчамиз ўз боксчимиз, ҳамюртимиз, биродаримиз деб биламиз ва ғалаба сизники эканлигидан жуда хурсандмиз. 

Сизнинг қўлқопларингиз мен учун қадрли жойга осилган. Кичкина қариндошларим мени кўргани келганларида, ҳар доим булар кимнинг қўлқоплари эканлигини айтаман. Худо сизни паноҳида асрасин, жароҳатингиздан халос бўлинг ва машғулотларга янги куч билан қайтинг.

Доғистонда мухлисларингиз кўп. Доғистон сизнинг ватанингиз, сиз ва оилангиз учун қулай шароитлар бўлиши керак. Биз сизни жуда қадрлаймиз ва ҳар қандай вазиятда ҳам сиз билан бирга бўлишга тайёрмиз", дея Меликовнинг сўзларини келтиради Доғистон Республикаси раҳбари маъмурияти матбуот хизмати.