Доминик Тим Токио Олимпиадасида қатнашмайди

“Менда сиз билан баҳам кўрмоқчи бўлган нохуш хабарим бор. Жамоа билан суҳбатлашдим, мавжуд вазиятни таҳлил қилдим ва Токио Олимпиадасида қатнашмасликка қарор қилдим. Албатта, мен учун ўз мамлакатим номидан қатнашиш катта шараф. Шунинг учун бу қарорни қабул қилиш янада қийинроқ бўлди. 2021 йилги мавсум умуман режалаштирганимдек бошланмади, шунинг учун мен Олимпиадада максимал даражани намойиш этишга тайёр эмасман.

Сўнгги икки ҳафта давомида мен жуда кўп машқ қилдим, кўрсаткичларим ва контцентрация даражаси ошди. Менинг мақсадим - Уимблдонда яхши натижани кўрсатиш учун ишлашда давом этиш ва US Open мусобақасида чемпионликни ҳимоя қилиш.

Токиога борадиган Австрия терма жамоасига омад тилайман. Мен ҳали ёшман. Умид қиламанки, 2024 йил Парижда ўтадиган Олимпиадада Австрия терма жамоаси сафида ўйнай оламан”, - деб ёзди Тим ўзининг Instagram саҳифасида.