Донна Векич матчболдан чиқиб кетди

Хорватиялик теннис маликаси иккинчи даврада рейтингнинг 96-поғонасида бораётган швейцариялик Виктория Голубични қийинчилик билан уч сет натижасига кўра мағлубиятга учратди - 4/6, 7/6(3), 6/4. Донна иккинчи сетнинг 11-геймида 5/6 ҳисоби ҳолатида матчболдан чиқиб кета олди.    

Бу билан Донна теннисчиларнинг ўртасидаги ҳисоб мувозанатини ҳам тиклаб қўйди - 1:1. Икки соату 47 дақиқа давом этган баҳсда Векич 6, Голубич 3 та эйс зарбасини амалга оширган. Қўшхатолар 6 га 4, брейклар 5 га 4 кўринишида хорватиялик теннисчи фойдасига ҳал бўлди. Бугун у 1/4 финалда россиялик Мирра Андреевага қарши кортга чиқади.