10 май 17:46
Янгиликлар

Теннис

Мария Тимофеева Istanbul Open чемпиони!

Ўзбекистоннинг учинчи ракеткаси Мария Тимофеева ҳозиргина Туркиянинг Истанбул шаҳрида якунига етган WTA 125 тоифасига кирувчи турнир бош совринини қўлга киритди.

Вакиламиз ҳал қилувчи финал учрашувида дунёнинг собиқ 17-ракеткаси хорватиялик Донна Векичга қарши кортга чиқди. Тўқсон икки дақиқа давом этган баҳсда Мария турнирда биринчи рақам остида таснифланган номдор рақибасини ортиқча қийинчиликсиз мағлубиятга учрата олди - 6:4, 6:2.

Таққослаш учун, Мария Тимофеева айни пайтда WTA рейтингида 136, 29 ёшли Донна Векич эса 89-ўринни эгаллаб турибди. Ҳамюртимиз Истанбул турнирида олтинчи рақам остида таснифланган эди. Бу теннисчиларнинг ўзаро ўтказган илк учрашуви бўлди. Тимофеева битта эйс зарбасини амалга ошириб, битта қўшхатога йўл қўйди. Доннада қўшхатолар 3 тани ташкил қилди, у эйс зарбасини ижро эта олмади.