Dubai Duty Free Tennis Championships. Жессика Пегуладан камбэк ва у финалда!

Дунёнинг бешинчи ракеткаси Жессика Пегула мусобақанинг илк финалчисига айланди. Америкалик теннис маликаси 1/2 финалда рейтингда ўзидан бир поғона қуйида бораётган ватандоши Аманда Анисимовани камбэк эвазига мағлубиятга учратди - 1/6, 6/4, 6/3.

Теннисчиларнинг ўзаро бешинчи учрашувида ҳам Пегула устун эканини исботлади - 5:0. Икки соату уч дақиқа давом этган баҳсда Пегула 2, Анисимова 7 та эйс зарбасини амалга оширган. Иккала теннисчи ҳам 4 тадан брейк қайд эта олди. Жессика иккинчи сетда 1/3 ва 3/4 ҳисобларида ютқаза туриб, брейкка эришди. У саккизинчи маротаба WTA 1000 турнирлари финалида ўйнайди.