18 ноя 13:44
Янгиликлар
UFC P4P рейтинги янгиланди: Харрисон Шевченкони ортда қолдирди, Ган Топ-10`да!
Америкалик Кайла Харрисон, рақамли тадбирнинг иккинчи муҳим жангида енгил вазн тоифасидаги чемпионлик камарини икки вазнда собиқ чемпиони Аманда Нуньесдан муваффақиятли ҳимоя қилганидан сўнг, бир поғонага кўтарилиб, аёллар P4P рейтинги пешқадамига айланиб олди. У бу борада эндиликда собиқ карвонбоши Валентина Шевченкодан ўзиб кетди.
Тўртинчи раундда америкалик жангчига бўғиш усули билан ютқазган бразилиялик Ааманда Нунес аёллар рейтингининг Топ-15`лигига қайтди ва 10-ўринда қайд этилди.
Француз жангчиси Сирил Ган, турнирнинг асосий жангида оғир вазн тоифасида чемпионлик камарини америкалик Жош Ҳокитга қарши муваффақиятли ҳимоя қилганидан сўнг, эркаклар P4P рейтингида тўрт поғона кўтарилиб, рўйхатда саккизинчи ўринни эгаллади. Том Аспиналл, Мераб Двалишвили, Алекс Перейра ва Хамзат Чимаев бир поғонадан пастга тушиб, мос равишда тўққизинчи, ўнинчи, ўн биринчи ва ўн иккинчи ўринларга жойлашишди.
Ярим ўрта вазн тоифаси чемпиони россиялик Ислам Махачев UFC`нинг эркаклар P4P рейтингини бошқаришда давом этмоқда, ташкилотнинг энг яхши уч жангчиси қаторини эса унинг ватандоши, ташкилотнинг енгил вазн тоифаси чемпиони Пётр Ян якунлайди.

Фикрлар