18 ноя 12:11
Янгиликлар
Чимаев чемпионлик унвонини ҳимоя қилади. Рақиб собиқ UFC чемпиони + ПОСТЕР
Ўтган ҳафта ярим оғир вазн тоифасида RAF-кроссовер чемпионлик камарини қўлга киритган Хамзат Чимаев 19 декабрь куни Униондейл шаҳрида бўлиб ўтадиган RAF 16 турнирида ярим оғир вазн тоифасида собиқ UFC чемпиони Рашад Эвансга қарши илк камар ҳимоясини ўтказади.
Профессионал кураш лигаси матбуот хизмати ушбу учрашувни расман эълон қилди, у тадбирнинг асосий жангига айланади.
14 ноябрь куни 32 ёшли Хамзат Чимаев ярим оғир вазн тоифасидаги RAF-кроссовер чемпионлик унвони учун кечган жангда UFC`нинг собиқ ўрта вазн чемпиони Крис Вайдманни техник устунлик билан мағлуб этиб, ташкилотдаги бешинчи ғалабасини нишонлаганди. Бундан олдин "Борз" Дилон Денис, Тайрон Вудли, Гильберт Бернс ва Робби Лоулер устидан муддатидан олдин ғалаба қозонган эди.
47 ёшли Рашад Эванс учун ушбу учрашув RAF лигасидаги дебют жанг бўлади. 2018 йилда UFC`даги фаолиятини якунлаган америкалик 2022 йилда Eagle FC лигасида Габриэл Чеккога қарши жанг ўтказиб, ҳакамлар қарорига кўра ғалаба қозонган. Ўтган йили эса "Rampage" Жексон билан бокс жангида учрашиши керак эди, бироқ у кейинчалик бекор қилинганди.

Фикрлар