18 ноя 12:42
Янгиликлар
Россияни четлаштирган халқаро хоккей федерацияси сайти бузиб кирилди
Швециянинг СВТ нашрига таяниб, бу ҳақда "Медуза" хабар берди.
17 ноябрь куни эрталаб сайт бош саҳифасида бир неча дақиқа давомида махсус баннер кўриниб турган. Унда россиялик хоккейчи Илья Ковальчукнинг 2008 йилги Жаҳон чемпионатида Канада дарвозасига ғалаба голини урганидан кейинги сурати акс этган. Сурат остига: "Россия билан юзлашишдан қўрқасизми? Сиз мағлуб эта олмайдиган ягона жамоани четлатдингиз", деб ёзилган.
Кўп ўтмай, сайт ишламай қолган. Ўшанда саҳифада техник ишлар олиб борилаётгани ҳақида билдиришнома кўринган.
15 ноябрь куни IIHF Россия терма жамоаси Канадада бўлиб ўтадиган ёшлар ўртасидаги Жаҳон чемпионатида қатнашмаслигини расман маълум қилган эди. Бу қарор Канада ҳукумати россиялик хоккейчиларга мамлакатга кириш визаси берилмаслигини билдирганидан сўнг қабул қилинган.
Фикрлар