Дунё полвонлари Тeрмиз гиламларида беллашади

Ҳар икки йилда ўтказиладиган ушбу нуфузли кураш байрамида мамлакатимизнинг энг сара полвонлари билан бир қаторда дунёнинг 50 га яқин давлатидан 100 нафардан зиёд кураш усталари ҳам ғолиблик учун гиламга тушади.

Жорий йилги халқаро турнирнинг мукофот жамғармаси 100 минг АҚШ долларини ташкил этади. Мусобақа Низомига кўра, мутлақ вазнда ғолиб чиққан полвон Ўзбекистон Республикаси Президенти соврини – 10 минг АҚШ доллари билан тақдирланади.

Халқаро турнирда кураш бўйича Жаҳон чемпионлари, Осиё ўйинларининг ғолиблари иштирок этади. Улар қаторига ўзбек кураши мухлисларининг севимли спортчиларидан бири сифатида эътироф этиладиган бразилиялик Александр Кацураги Бразилия терма жамоаси бош мураббийи сифатида шогирдларини Термиз гиламларига олиб тушади.

Мусобақа ташкилий қўмитаси берган маълумотларга кўра, Термиз шаҳрида халқаро турнирни юқори даражада ўтказиш учун катта тайёргарлик ишлари олиб борилмоқда.