Дунёнинг 7-ракеткаси қаторасига иккинчи йил ҳам "Ролан Гаррос"ни 1-даврадаёқ тарк этди

Хусусан, дунёнинг еттинчи ракеткаси Мария Саккари мусобақа стартидаёқ WTA рейтингида 88-поғонада бораётган франциялик Варвара Грачёвага уч сет натижасига кўра имкониятни бой бериб қўйди - 6/3, 4/6, 3/6. Бу теннисчиларнинг ўзаро ўтказган илк учрашуви эди. 

Икки соату 13 дақиқа давом этган баҳсда Саккари 5, Грачёва 3 та эйс зарбасини амалга оширган. Қўшхатолар Марияда уч баробар кўп бўлди 6 га 2. Брейклар бўйича устунлик Варвара томонда - 5 га 4!

Эътиборлиси, грециялик теннис маликаси қаторасига иккинчи йил ҳам "Ролан Гаррос"ни биринчи даврадаёқ тарк этди. Ўтган йили у бўлажак финалчи Каролина Муховага ютқазиб қўйганди. Грачёва энди Бернарда Перага қарши кортга чиқади. Америкалик теннисчи биринчи босқичда япониялик Нао Хибинодан устун келди - 6/2, 6/0.