15 фев 09:49
Янгиликлар

Теннис

Дунёнинг бешинчи рақамли теннис маликаси иштирокини якунлади

Мельбурн шаҳрида ўтказилаётган теннис бўйича "Катта Дубулға" туркумига кирувчи Австралия Очиқ чемпионати ўзининг қизғин палласига кириб бормоқда.

Бугун аёллар ўртасидаги яккалик баҳсларида нимчорак финал учрашувлари ўтказиляпти. Бироз аввал дунёнинг бешинчи ракеткаси Элина Свитолина мағлубият аламини тотиб кўрди ва мусобақадаги иштирокини якунлади.

Украиналик теннис маликаси америкалик 26 ёшли Жессика Пегулага 4:6, 6:3, 3:6 ҳисобларида имкониятни бой бериб қўйди. Бундан бир ойча аввал Пегула айнан Свитолинага 4:6, 3:6 ҳисобларида ютқазганди. Реванш Australian Open турнирида олинди.