Дунёнинг биринчи ракеткаси Базель бош соврини учун юришини бошлади

Дунёнинг биринчи ракеткаси Карлос Алькараз мусобақанинг илк даврасида иродали ғалабага эришди. Испаниялик теннисчи 2 соату 18 дақиқа давом этган баҳсда ATP рейтингида 45-ўриндан жой олган британиялик Жек Дрэйпердан 3/6, 6/2, 7/5 ҳисобида устун келди.

Бу теннисчиларнинг ўзаро ўтказган илк учрашуви сифатида тарихга кирди. Алькараз 1 та, Дрэйпер эса 9 та эйс зарбасини ижро этган. Карлоснинг иккинчи даврадаги рақиби нидерландиялик Ботика ван де Зандшульп ҳамда франциялик Адриан Маннарино учрашувидан сўнг маълум бўлади.