Дунёнинг биринчи ракеткаси Брисбенда 1/4 финалга чиқди

Сайёрамизнинг биринчи рақамли теннис маликаси Арина Соболенко 1/8 финалда WTA рейтингида 29-ўринни эгаллаб турган қозоғистонлик Юлия Путинцевани қийинчилик билан мағлубиятга учратди - 7/6(2), 6/4.

Арина теннисчиларнинг ўзаро учрашувлари ҳисобида олдинга чиқиб олди - 2:1. Бир соату 51 дақиқа давом этган баҳсда Соболенко 6, Путинцева 1 та эйс зарбасини амалга оширди. Энди Соболенко WTA 500 турнири ярим финал чиптаси учун чехиялик Мари Бузковага қарши кортга чиқади.