03 июл 09:44
Янгиликлар

Теннис

Дунёнинг биринчи ракеткаси "Уимблдон"да муваффақиятли старт олди

Буюк Британиянинг Лондон шаҳрида "Катта Дубулға" туркумига кирувчи Уимблдон турнирининг асосий тўр баҳслари бошланди.

Сайёрамизнинг биринчи рақамли теннисчиси Ига Свёнтек илк даврада WTA рейтингида 49-поғонадан жой олган америкалик София Кенинни 6/3, 6/4 ҳисобида мағлубиятга учратди. Теннис маликаларининг ўзаро учрашувларидаги ҳисоб йириклашди - 4:0.

Бир соату 19 дақиқа давом этган баҳсда Свёнтек 6, Кенин 1 та эйс зарбасини амалга оширган. Қўшхатолар Софияда кўпроқ бўлди - 3 га 1. Брейклар бўйича устунлик худди шу кўринишда польшалик теннисчи фойдасига бўлди - 3 га 1!

Энди Ига Свёнтек Уимблдон турнирининг иккинчи даврасида Петра Мартичга қарши кортга чиқади. Хорватиялик теннисчи ўз ўрнида биринчи босқич учрашувида британиялик Франческа Жонсдан устун келди - 3/6, 6/1, 6/2.