Дунёнинг биринчи ракеткасини Қозоғистонда мағлуб этишди

Кутилмаганда дунёнинг биринчи ракеткаси Карлос Алькараз илк даврадаёқ мағлубият аламини тотиб кўрди. Испаниялик теннисчи 108 дақиқа давом этган баҳсда рейтингнинг 66-поғонасида бораётган бельгиялик Давид Гоффинга имкониятни бой берди - 5/7, 3/6.

Гоффин ушбу ғалабаси эвазига ўзаро учрашувлардаги ҳисоб мувозанатини тиклаб қўйди. Алькараз 1 та эйс, 1 та қўшхато ва 3 та брейк қайд этди. Давид фаолиятида учинчи бор дунёнинг биринчи ракеткасидан устун келди. Бунгача у икки бор Рафаэль Надални мағлубиятга учратган эди. Энди 31 ёшли Гоффин Astana Open турнирининг иккинчи даврасида франциялик Адриан Маннаринога қарши кортга чиқади.