Дунёнинг энг ёш жаҳон чемпиони тантанали кутиб олинди ФОТОРЕПОРТАЖ

Жаҳон чемпионатининг рапид йўналишида 17 ёшли гроссмейстеримиз Нодирбек Абдусатторов номдор рақиблари, шу жумладан амалдаги жаҳон чемпиони норвегиялик Магнус Карлсенни мағлубиятга учратиб, сайёрамизнинг энг кучли шахматчисига айланди.

Рапид йўналишидан сўнг, 180 нафар шахматчи икки кун давомида блиц йўналишида ўзаро мусобақалашди. Ўтказилган баҳслар якунига кўра, Жавоҳир Синдаров ҳамюртларимиз орасида энг яхши натижани қайд этди. Шахматчимиз 21 имкониятдан 13,5 очко жамғарган ҳолда 8-ўринни эгаллади. 

Бироз аввал жаҳон чемпиони Нодирбек Абдусатторов ва терма жамоамизнинг қолган вакиллари жой олган самолёт Ислом Каримов номидаги Тошкент халқаро аэропортига келиб қўнди. Шахматчиларимизни кенг жамоатчилиги, уларнинг оила аъзолари ва оммавий ахборот воситалари ходимлари кутиб олишди.

Суратлар сайтимиз вакили Абдураҳмон Фозилов томонидан тақдим этилди