Дунёнинг иккинчи ракеткаси Shanghai Masters`да муваффақиятли старт олди

Дунёнинг иккинчи ракеткаси Карлос Алькараз мусобақадаги иштирокини ғалаба билан бошлаб олди. Испаниялик теннисчи иккинчи давра учрашувида ATP рейтингида 51-поғонада бораётган хитойлик Шан Цзюньчэнни ортиқча қийинчиликсиз мағлубиятга учратди - 6/2, 6/2.

Бу теннисчиларнинг ўзаро ўтказган иккинчи учрашуви эди - 2:0. Етмиш етти дақиқа давом этган баҳсда Алькараз 3, Шан 1 та эйс зарбасини амалга оширган. Брейклар бўйича мутлақ устунлик испан теннисчиси томонида - 4 га 0! Энди Алькараз Rolex Shanghai Masters турнирининг учинчи босқичида бошқа бир мезбон теннисчи У Ибинга қарши кортга чиқади.