21 фев 13:43
Янгиликлар

Теннис

Дунёнинг иккинчи ракеткасида кутилмаган мағлубият

БААнинг Дубай шаҳри мезбонлик қилаётган WTA турнирида кутилмаган натижалар ҳам қайд этилмоқда.

Australian Open турнирининг амалдаги ғолибаси, дунёнинг иккинчи ракеткаси Арина Соболенко ўзининг илк учрашувидаёқ мағлубиятга учради. Беларуслик теннис маликаси WTA рейтингида 31-поғонада бораётган хорватиялик Донна Векичга уч сет натижасига кўра имкониятни бой бериб қўйди - 7/6(5), 3/6, 0/6.

Хорваттиялик теннисчи Арина учун ноқулай рақиб бўлиб қолмоқда. Теннисчиларнинг ўзаро учрашувларида Векич катта фарқ билан олдинда бормоқда - 6:2. Икки соату 23 дақиқа давом этган баҳсда Соболенко 8, Векич 14 та эйс зарбасини амалга оширган. Энди Донна учинчи даврада руминиялик Сорана Кирстяга қарши кортга чиқади.