04 сен 17:44
Янгиликлар

Теннис

Дунёнинг ўнинчи ракеткаси US Open 1/4 финалида

Нью-Йорк шаҳри мезбонлик қилаётган "Катта Дубулға" туркумига кирувчи АҚШ Очиқ чемпионатида 1/4 финал иштирокчилари аниқланмоқда.

Аёллар ўртасидаги баҳсларда сайёрамизнинг ўнинчи рақамли теннис маликаси Каролина Мухова чорак финал масаласини ижобий ҳал қилди. Чехиялик теннисчи 2 соату 36 дақиқа давом этган учрашувда WTA рейтингида 53-поғонада бораётган хитойлик Синь Ю Ванни уч сет натижасига кўра мағлубиятга учратди - 6/3, 5/7, 6/1.

Бу теннисчиларнинг ўзаро илк учрашуви эди. Иккала ракетка устаси ҳам 3 тадан эйс зарбани амалга оширган. Қўшхатолар Муховада кўпроқ бўлди - 7 га 5. Синь Ю Ван 6, Каролина эса 9 та брейкка эришди. Чехиялик фаолиятида илк бор US Open чорак финалида ўйнайди. Унинг рақибаси руминиялик Сорана Кирстя бўлади.