Двалишвили Илия Топурия билан машғулот ўтказишдан бош тортди

Аслида Мераб Двалишвили Илия Топурия билан вақт ўтказишни ёқтиради, аммо у ҳозирда Жастин Гэтжига қарши бирлаштирувчи жангга тайёргарлик кўраётган дўсти ва ҳамюртининг ўқув-машғулот йиғинида иштирок этишдан бош тортди.

"Албатта, укам Илия Топурия билан вақт ўтказиш ва машғулотлар ўтказиш менга ёқади. Лекин у билан бирга машқ қилсам, раундларни бўлишишга мажбур бўламиз. Биз спарринг қилишимиз ёки курашишимиз керак, буни эса завқ деб аташ қийин. Мен зарар кўришни хоҳламайман, чунки бу йигит ҳатто машғулотларда ҳам одамларни ҳушидан кетказяпти. Ҳатто акасини ҳам уради. Менга айтишларича, улар залда бир-бирларини шунчаки "ўлдиришаётган" экан", - дея Ringside нашри UFC`нинг энг енгил вазн тоифасидаги собиқ чемпионидан иқтибос келтиради.

14 июнь куни Илия Топурия ва Жастин Гэтжи ўртасидаги енгил вазн тоифасидаги чемпионлик жанги Оқ уй яқинидаги UFC байрам турнирининг асосий воқеаси бўлади. Мераб Двалишивли эса июль ёки август ойида Пётр Янга қарши трилогияда жанг қилиши мумкин.