"Дю Плесси Чимаев ва Перейрани ҳам мағлуб этади" - UFC собиқ чемпиони

"Перейра Анкалаевни мағлуб этишига ишонсамда, уни дю Плесси билан жангини кўришни истардим. Дю Плесси у учун жиддий муаммо ярата олади. Биламан, Дрикус чиқади ва Алекс билан курашади. 

Унинг грэпплинги Перейра учун катта муаммо бўлади, аммо Алекс ажойиб тарзда қарши ҳужум қилади, шундан эҳтиёт бўлиш керак.

У шунингдек Хамзатни ҳам мағлуб эта олади. Дрикусни бўғиш осон эмас. У жуда кучли ва унинг кардиоси эҳтимол UFC тарихида энг зўр учтадан биттаси ҳисобланади. Албатта бу борада Мераб биринчи ўринда. Иккинчи ва учинчи ўрин борасида баҳслашиш мумкин бўлади.

Дрикуснинг Хамзатга қарши жангини сабрсизлик билан кутяпман. Агар у ғалаба қозонса, яримоғир вазн тоифасига кўтарилиб, Перейра - Анкалаев жанги ғолибига қарши тўқнаш келишини истардим", - деди Сехудо.