29 окт 12:10
Янгиликлар

Бокс/ММА

Эдди Хирн Жек Кэттерол — Теофимо Лопес жангини ташкил қилмоқчи

Британиялик промоутер Эдди Хирн биринчи яримўрта вазнда WBO Interim чемпиони Жек Кэттерол ва ушбу йўналишда тўлақонли жаҳон чемпиони Теофимо Лопес ўртасида жанг ташкил қилмоқчи эканлигини айтди.

"Теофимо Лопесга келсак, у жуда яхши жангчи бўлса ҳам, биз уни "уриш"ни истардик. У катта юлдуз ва мен унинг Манчестерга келишига шубҳа қиламан, аммо бу муҳим шоу бўларди – тасаввур қилинг-а, Теофимо Лопес Буюк Британияга олиб келинган.

Ҳа, Лопеснинг бу ерга келиши даргумон, лекин агар у манфаатдор бўлса ва розилигини берса, биз буни ташкил этишга тайёрмиз", деди Хирн BoxingScene билан суҳбатда.

Эслатиб ўтамиз, 27 октябрь тонгида Кэттерол собиқ жаҳон чемпиони Режис Прогрейсни очколар ҳисобига кўра мағлуб этган эди.