Эдди Хирн собиқ мутлақ жаҳон чемпиони билан бирга ишламоқчи

"Жош менга ёқади ва биз яқинда у билан гаплашдик. У кўп пул ишлашга ўрганган, лекин фикримча, у бироз ўзгариши керак. Биз биргаликда катта ишлар қилган бўлардик. Агар Тейлор "Matchroom" билан шартнома эвазига катта пул олмоқчи бўлса, бунинг имкони йўқ. Лекин биз унинг фаолиятини қайта тиклаб, яна чемпионликка олиб борган бўлардик. 

У ҳалиям ўзини яримўрта вазннинг энг зўрларидан бири деб ҳисоблайди. Жошнинг Лопес ва Кэттеролга мағлуб бўлганидан кейин фаолиятида пасайиш бўлди. Бироқ, уни ҳали қутқариб қолиш мумкин. "Matchroom" унга максимал самарали йўлни тузиб бера олган бўларди", - деди Хирн. 

Эслатиб ўтамиз, Жош Тэйлор сўнгги жангини шу йил май ойида ўтказган ва ўшанда Жек Кэттеролга ҳакамлар қарори билан мағлуб бўлганди.