10 ноя 15:22
Янгиликлар

Спорт курашлари

Эгизак Каримовлар Польша ва Грециядаги турнирга жўнаб кетишди

Республика олимпия захиралари коллежининг спорт курашлари бўлимида таҳсил олаётган ёш эркин курашчиларимиз - Амирхон ва Ҳожихон Каримовлар Польша ва Грецияда ўтказиладиган халқаро турнирда иштирок этади.

Ёш курашчиларимиз ҳам мураббий, ҳам оталари Камолиддин Каримов бошчилигида Польша давлатига жўнаб кетишди. Ушбу халқаро турнирда мезбонлардан ташқари Германия, Словакия, Россия, Молдова, Украина ва Болгариядан ёш курашчилар иштирок этади.

Польшадаги турнир якунланиши билан, яъни 17 ноябрь куни улар Грецияга йўл олишади. Олимпиаданинг тарихий ватанида ҳам, аниқроғи Крит оролида ўсмирлар ўртасида халқаро турнир ўтказилади. Эгизак Каримовлар хорижда анча таниқли ҳисобланишади.