Элина Свитолина Монфис билан муносабати ҳақида гапирди

Мана бир неча ойдирки Свитолина ва Монфис учрашиб юришибди. Элинанинг аксарият мухлислари теннисчининг сўнгги пайтлардаги натижаси пасайиб кетишида унинг айнан Гаэль билан учрашаётганини сабаб қилиб кўрсатмоқда. 

“Париж кортларида яхши натижа кўрсата олишимга ишоняпман. Бу ерда мени франциялик мухлислар қўллаб-қувватлашларига умид қиляпман. Гаэль Монфис ҳам шу ерда бўлади. Кейин ўз ўйиним билан ҳам теннисдан йироқлашиб кетмаганимни исботлашим керак. 

Мен Монфиснинг, у эса менинг ўйинларимни трибунадан томоша қилади. Агар бир пайтнинг ўзида бошқа-бошқа кортларда ўйнасак, телевизорда ўша ўйинни кўриб оламиз”, - дея Свитолинанинг сўзларини келтирмоқда rolandgarros.com.

Эслатиб ўтамиз, Элина Свитолина 2014 йилдан буён илк бор кетма-кет 4 та учрашувда мағлубиятга учради ва жаҳон рейтингида ТОП-8дан чиқиб кетди.