31 май 12:48
Янгиликлар

Теннис

Элина Свитолина "Ролан Гаррос" учинчи даврасида

Франция пойтахти Париж шаҳрида теннис бўйича "Катта Дубулға" туркумига кирувчи "Ролан Гаррос" турнири давом этмоқда.

Дунёнинг 19-ракеткаси Элина Свитолина иккинчи даврада WTA рейтингида 63-ўринни эгаллаб турган франциялик Диана Паррини 6/4, 7/6(3) ҳисобида мағлубиятга учратди. Теннисчиларнинг ўзаро учрашувларидаги ҳисоб 2:0 кўринишига келди.

Бир соату 53 дақиқа давом этган баҳсда Свитолина 4, Парри 5 та эйс зарбасини амалга оширган. Брейклар бўйича устунлик Элина томонида бўлди - 4 га 3! Энди украиналик теннисчи учинчи босқичда руминиялик Ана Богданга қарши кортга чиқади.