Емельяненко — Исмаилов жанги санаси маълум қилинди + ПОСТЕР

Промоушен президенти Майрбек Хасиевнинг айтишича, карантиндан кейинги илк турнир 11 июль куни бўлиб ўтади. 24 июль куни эса россиялик Александр Емельяненко ҳамюрти Магомед Исмаиловга қарши октагонга кўтарилади. 

"ACA лигаси 11 июль кунидан бошланади. Шу куни карантиндан кейинги илк турниримизни ўтказамиз. Биз ўз жангларимизнинг меҳнатини қадрлаймиз. Пандемия бу вақтинчалик "меҳмон". Уни албатта енгиб ўтамиз. Режа бўйича ёз охиригача тўртта турнир ташкил этамиз. 

Тез орада АСА 106 ва 107 турнирларининг жуфтликлари эълон қилинади. Кўпчилик кутаётган Емельяненко — Исмаилов жанги 24 июль куни Москва шаҳрида ўтказилади. Қолган турнирларнинг манзили пандемия вазиятидан келиб чиқиб белгиланади", — дея Хасиевнинг сўзларини келтирмоқда ACA матбуот хизмати.