28 июн 11:56
Янгиликлар

Теннис

Эмма Радукану "Уимблдон"да муваффақиятли старт олди

Сайёрамизнинг 11-рақамли теннис маликаси Эмма Радукану "Катта Дубулға" туркумига кирувчи "Уимблдон" турниридаги иштирокини бошлади.

Британиялик теннисчи 102 дақиқа давом этган биринчи давра учрашувида WTA рейтингида 46-поғонадан жой олган бельгиялик Алисон ван Уйтванкни 6/4, 6/4 ҳисобида таслим этди.

Теннисчиларнинг ўзаро учрашувларидаги ҳисоб 2:0 кўрнишига келди. Ҳар икки теннисчи 3 тадан эйс зарбасини амалга оширишган. Радукану энди франциялик Каролин Гарсияга қарши кортга чиқади. Гарсия ўз ўрнида британиялик Юрико Миядзакидан устун келди - 4/6, 6/1, 7/6(4).