Энди Маррей 2017 йилдан бери илк бор Australian Open иккинчи даврасига чиқди

Жаҳоннинг собиқ биринчи ракеткаси Энди Маррей Австралия Очиқ чемпионатининг биринчи даврасида ATP рейтингида 23-ўринни эгаллаб турган грузиялик Николоз Басилашвилини 6/1, 3/6, 6/4, 6/7, 6/4 ҳисобида мағлуб этди. Учрашув 3 соату 52 дақиқа давом этди. Уларнинг ўзаро учрашувларида ҳисоб Маррей фойдасига 3:0 кўринишига келди.

Маррей 2017 йилдан бери биринчи марта Australian Open турнири иккинчи даврасига чиқди (у 2018, 2020 ва 2021 йилларда турнирни ўтказиб юборган). 

Маълумот учун, Маррей беш карра турнир финалчиси ҳисобланади. Кейинги ўйинда у Таро Даниэл билан ўйнайди.